Սահմանադրական դատարանի առջեւ այսօր՝ հուլիսի 9–ին, առավոտյան բողոքի ակցիա են րել «Հանուն Հանրապետության» կուսակցության ղեկավար Արման Բաբաջանյանն ու նրա կուսակիցները։ Նրանք պահանջում էին, որ Սահմանադրական դատարանը չբավարարի «Հայաստան», «Պատիվ ունեմ» դաշինքների, «Զարթոնք» եւ «Հայոց հայրենիք» կուսակցությունների բողոքը՝ ընտրությունների արդյունքները անվավեր ճանաչելու վերաբերյալ:
Բաբաջանյանը նշեց, որ եթե ՍԴ-ն որոշում կայացնի չեղարկել ընտրությունների արդյունքները, դա կլինի սահմանադրական կարգի տապալում։
Ավելին՝ Արման Բաբաջանյանի կուսակից Արտաշես Խալաթյանը հայտարարեց, որ նման որոշումը հիմք կարող է հանդիսանալ, որպեսզի կողմ քվեարկած դատավորների նկատմամբ սկսվեն քրեական հետապնդումներ։
Լրագրողի դիտարկման հետ, որ նման հայտարարությունները սահմանադրական արդարադատությանը միջամտելու փորձ են, Արման Բաբաջանյանը չհամաձայնեց։
