Անգլիայում կինը ցմահ ազատազրկման է դատապարտվել ամուսնուն եռացած ջրով սպանելու համար այն բանից հետո, երբ լսել է, որ վերջինս բռնաբարել է իր երկու երեխաներին:
Ըստ Liverpool Echo-ի՝ 59-ամյա Քորիննա Սմիթը շաքարով եռացած ջուրը լցրել է 80-ամյա Մայքլ Բեյնսի վրա, երբ վերջինս քնած էր: Բեյնսը ծանր այրվածքներ է ստացել մարմնի մեկ երրորդի հատվածում: Մեկ ամիս անց նա մահացել էր հիվանդանոցում:
Քորիննան սարսափել էր, երբ դուստրը պատմել էր, որ Բեյնսը բռնաբարել է իրեն եւ իր եղբորը «երկար տարիներ առաջ, երբ նրանք երեխա էին»: Կնոջ որդին ինքնասպան էր եղել 2007 թվականին: Սմիթը դատապարտվել է ցմահ ազատազրկման, նա 12 տարի անց կարող է դիմել պայմանական վաղաժամկետ ազատման համար: