Հայաստանի Սյունիքի մարզում համայնքների բոլոր ձերբակալված ղեկավարներն ի վերջո ազատ կարձակվեն: Այս մասին հուլիսի 17-ին կայացած «Քաղաքական եւ իրավական մարտահրավերները Հայաստանում ընտրություններից հետո» խորհրդաժողովին ասաց փաստաբան Արամ Վարդեւանյանը:
Ձերբակալության մասին բոլոր միջնորդագրերը, նրա խոսքով, ունեն մեկ ընդհանուր բան. դրանցից ոչ մեկը չի հիմնավորվել:
«Նույնը, օրինակ, վերաբերում է բժիշկ Արմեն Չարչյանի գործին: Նշեմ, որ 65 վկաներից ոչ մեկը վկայություն չի տվել հօգուտ նախնական մարմնի, բայց բժիշկը դեռ ձերբակալված է: Իշխանությունները պարզապես ուզում են վախեցնել հասարակությանը եւ հետապնդել պատերազմին մասնակցած մարդկանց: Անհասկանալի է, թե ինչպես կարելի է վախեցնել պատերազմից փրկված հասարակությանը: Ձերբակալելու գայթակղություն, օրինակ՝ Գորիսի քաղաքապետ Առուշ Առուշանյանի, Հայաստանի իշխանություններից բացի, ունեցել են նաեւ թշնամի երկրի իրավապահ մարմինները:
Ակնհայտ է, որ ճնշում է գործադրվում դատական համակարգի վրա, իսկ ձերբակալման բոլոր որոշումները եւս մի առանձնահատկություն ունեն: Իրավաբանական համայնքը գիտի բոլոր այն դատավորներին, ովքեր նման որոշումներ են կայացրել: Կարեն Ֆարհոյանի դեպքում այլ տարբերակ չէր կարող լինել, նա պետք է որոշեր ձերբակալման մասին: Կարող եք հիշել նաեւ Արմեն Չարչյանի ձերբակալությունը: Եվ այս դեպքում դատավոր Արմինե Մելիքսեթյանը նույնպես ստիպված եղավ ձերբակալել բժշկին: Այստեղ նույնպես այլ տարբերակ չէր կարող լինել: Կան մարդիկ, ովքեր ֆորմալ առումով դատավորներ են, բայց՝ ոչ իրենց էությամբ ու բովանդակությամբ: Ինչո՞ւ են հենց այդ դատավորները զբաղվում այդ գործերով: Գաղտնիք ասեմ. նախաքննության փուլում գտնվող բոլոր միջնորդությունները հաստատվում են միայն գրիչով: Այսինքն՝ որոշումը կայացվում է կամայականորեն, եւ, օրինակ, նշվում է Կարեն Ֆարհոյանը»,- նշեց Վարդեւանյանը:
