Mobile Research Group-ի առաջատար վերլուծաբան Էլդար Մուրթազինը Sputnik ռադիոյին ասել է սմարթֆոնի կյանքը մինչեւ 30 տարի երկարացնելու միջոցի մասին։
Նրա խոսքով՝ սմարթֆոնների յուրաքանչյուր նոր սերունդ ավելի երկար է ծառայում նախորդից եւ ավելի հուսալի է աշխատում։ «Որպես կանոն, արտադրողը հայտարարում է սմարթֆոնի ծառայության ժամկետը՝ 3-5 տարի։ Սա կոնկրետ մոդելի ծառայության ժամկետն է, չնայած դե ֆակտո ձեր սմարթֆոնը կարող է աշխատել նաեւ տասը տարի»,- ասել է մասնագետը։
Մուրթազինը նշել է, որ փաստորեն գաջեթը կարող է այնքան ժամանակ ծառայել, որքան արտադրողը կարտադրի այդ մոդիֆիկացիայի բաղադրատարրերը եւ պահեստային մասերը։ Սովորաբար այդ ժամկետը այնքան էլ մեծ չէ, քանի որ մոդելը հնանում է, իսկ շուկայում հայտնվում է գաջեթների հերթական սերունդը։
«Սմարթֆոնը կարելի է օգտագործել նաեւ որպես պահպանման համակարգի հիմք կամ ռադիոդայակ երեխայի համար։ Նման սարքերը կարող են անսահմանափակ երկար ապրել։ Ըստ էության, նրանք հոսանքի աղբյուրից կարող են աշխատել ե՛ւ քսան, ե՛ւ երեսուն տարի»,- նշել է նա։
Փորձագետը պարզաբանել է, որ սարքի արտադրողականությունը եւ արագությունը կլինեն այն մակարդակի, ինչն անհրաժեշտ է կոնկրետ խնդիրների լուծման համար։
