ԱՄՆ-ում կսկսեն թղթե պետհամարանիշներ թողարկել մետաղական համարների սղության պատճառով: Թիթեղների պակասի մասին աուդիտորները հայտնել են Վաշինգտոնի Թարսթոն շրջանում: Մոտ ապագայում խնդիրը չի լուծվի, եւ ավտոմեքենաների սեփականատերերին կտրվեն ժամանակավոր համարանիշներ՝ 60 օր վավերականության ժամկետով: Առայժմ պետությունը կանգնած է մարդատար ավտոմեքենաների համարանիշների բացակայության առջեւ, իսկ կցանքների եւ մոտոցիկլետների գրանցումն ընթանում է բնականոն հունով, հայտնում է Motor-ը:
Պաշտոնյաները մետաղական պետհամարանիշների պակասը կապում են կորոնավիրուսային համավարակի հետ. սահմանափակող միջոցառումների պատճառով դրանց արտադրությունը դանդաղել է, եւ իշխանությունները չեն հասցրել համարանիշների դրոշմման գրանցում կատարել:
Կողմնակի ընկերությունները կսկսեն համարանիշների արտադրությունն օգոստոսին, սակայն Վաշինգտոնում չեն կանխատեսում, թե երբ կհաղթահարվի համարանիշների դեֆիցիտը: Խնդիրն այն է, որ տարանցիկ թղթե համարները, որոնք ժամանակավորապես կթողարկվեն մետաղականների փոխարեն, գործում են ընդամենը 60 օր, այսինքն՝ ավտոմեքենաների սեփականատերերը ստիպված կլինեն նորից ժամանակ կորցնել վերագրանցման համար:
ԱՄՆ-ի իշխանությունները որոշեցին հեշտացնել կյանքը նոր ավտոմեքենաներ գնողների համար. մետաղական համարանիշների պաշարները տրվել են ավտոսալոններին, ուստի նախնական գրանցման ժամանակ թղթե համարանիշներ կաշխատեն չտրամադրել:
