Արդեն երրորդ օրն է` Հայաստանի նոր խորհրդարանն աշխատանքի փոխարեն զբաղված է ապարդյուն վիճաբանություններով: Այս մասին նորընտիր Ազգային ժողովի հատուկ նիստին խորհրդարանի երեք փոխխոսնակներից մեկի թեկնածության քննարկման ժամանակ հայտարարեց իշխող «Քաղաքացիական պայմանագիր» կուսակցության պատգամավոր Գեւորգ Պապոյանը:
Նրա խոսքով` այս ընթացքում Ազգային ժողովն արդեն կարող էր մշտական խորհրդարանական հանձնաժողովներ ձեւավորել եւ սկսել աշխատանքներն օրինագծերի ուղղությամբ:
«Եվ արդեն սեպտեմբերին, ի շահ քաղաքացիների եւ ձեռնարկությունների, նոր օրինագծեր կարող էին ընդունվել: Բայց դրա փոխարեն նիստերի դահլիճում շարունակում է դեստրուկտիվ մթնոլորտ տարածել: Եկեք այդպես չանենք, եւ վերջապես կհասկանանք, որ ժամանակ ենք կորցնում` խլելով այն մեր քաղաքացիներից եւ պետությունից»,- ասաց Պապոյանը:
