Ես վստահեցնում եմ, որ եթե մենք իմանայինք, որ ԱԺ փոխնախագահ չառաջադրելով երկրում կստեղծվեր խորհրդարանական ճգնաժամ, մենք չէինք առաջադրի: Այս մասին այսօր՝ օգոստոսի 5-ին, ԱԺ-ում խորհրդարանի լրագրողների հետ զրույցում նշեց «Հայաստան» խմբակցության պատգամավոր Իշխան Սաղաթելյանը:
«Բոլոր հիմնավորումները, որ չառաջադրելու դեպքում կստեղծվի ճգնաժամ, մեր իրավաբանները դա մանրամասն բացատրել են: Այսինքն այս իշխանությունը, որ այսքան ապօրինություններ է անում, այդ շատ աղոտ ձեւակերպված կետը չէր կարո՞ղ շրջանցել եւ առաջ շարժվել»,-ասաց նա:
Նշենք, որ ԱԺ երեք փոխնախագահներից մեկը պետք է լինի ընդդիմությունից եւ ընդդիմադիր ուժերն առաջադրել են Իշխան Սաղաթելյանի թեկնածությունը: Տեսակետ կա, որ եթեընդդիմությունը չառաջադրի թեկնածու, ԱԺ-ում ճգնաժամ կստեղծվի:
