ԱՄՆ Պետդեպարտամենտը հայտարարել է «Գլոբալ ահաբեկչական ցուցակում» 5 ենթադրյալ գրոհայինի ավելացնելու մասին, հաղորդում է Reuters-ը:
ԱՄՆ ֆինանսների նախարարության պատժամիջոցային ցուցակում հայտնվելը նշանակում է ԱՄՆ-ում ակտիվների սառեցում եւ ցանկացած բիզնեսի արգելք:
Ցուցակում է հայտնվել Բոնոմադե Մաչուդե Օմարը՝ Մոզամբիկում «Իսլամական պետություն» ահաբեկչական խմբավորման ճյուղի ավագ ռազմական հրամանատարը: Այս մասին հայտարարել է ԱՄՆ պետքարտուղար Էնթոնի Բլինքենը: Նրա խոսքով՝ Օմարը գլխավորում է ծայրահեղականների խումբը, ովքեր մարտին Պալմա քաղաքում Amarula հյուրանոցի վրա հարձակման ժամանակ տասնյակ մարդկանց են սպանել:
Բլինքենը նշել է, որ Օմարը պատասխանատու է Մոզամբիկում եւ Տանզանիայում հարձակումների համար:
Ցուցակում են նաեւ «Աշ Շաբաբ» եւ «Ջամաաթ Նուսրաթ ալ-Իսլամ վալ-Մուսլիմին» խմբավորումների առաջնորդները, որոնք սերտ կապեր ունեն «Ալ Քաիդա»-ի հետ: