Մեծ Բրիտանիայի պաշտպանության նախարար Բեն Ուոլեսը հայտարարել է «Ալ Քաիդա» ահաբեկչական խմբավորման հնարավոր վերադարձի մասին Աֆղանստանից ամերիկյան զորքերի դուրսբերումից հետո, տեղեկացնում է Sky News հեռուստաալիքը։
«Ես անհանգստացած եմ այն բանից, որ չկայացած պետությունները պարարտ հող են նման մարդկանց համար։ «Ալ Քաիդան», հավանաբար, կվերադառնա»,- ասել է բրիտանական ռազմական գերատեսչության ղեկավարը՝ ենթադրելով, որ Աֆղանստանը կանգնած է քաղաքացիական պատերազմի շեմին։
Ավելի վաղ ԱՄՆ-ը նույնպես մտահոգություն էր հայտնել այդ նույն պատճառով, քանի որ «ամերիկյան զորքերի դուրսբերումը երկրից վակուում կստեղծի, որը, հավանաբար, «Ալ Քաիդային» ու այլ ահաբեկչական խմբավորումների վերակազմակերպման հնարավորություն կընձեռի։
Հեռուստաընկերությունն ընդգծում է, որ ԱՄՆ-ը ցանկացած պարագայում իրավունք ունի հարվածելու Աֆղանստանում «Ալ Քաիդայի» դիրքերին։