Հնդկաստանի կառավարող «Բհարաթիա ջանաթա փարթի» կուսակցության ակտիվիստ Ջավիդ Ամադ Դարը զոհվել է պակիստանամետ խմբավորումների զինյալների հարձակման հետեւանքով դաշնակցային Ջամու եւ Քաշմիր տարածքի Քուլգամ շրջանում, տեղեկացնում է The Pioneer-ը։
Ակտիվիստի վրա հարձակումը տեղի է ունեցել երեկ երեկոյան, նա տեղում զոհվել է ստացած վերքերից։ Անվտանգության ուժերը Քուլգամում հակաահաբեկչական գործողություն են իրականացնում։
Ավելի վաղ Ռաջուրի քաղաքում պակիստանամետ խմբավորումները նռնակ էին նետել «Բհարաթիա ջանաթա փարթի»-ի տեղի կազմակերպության ղեկավար Ջասբիր Սինգհի տան վրա։ Պայթյունից մահացել է չորսամյա երեխա, տուժել է քաղաքական գործչի ընտանիքի եւս վեց անդամ, ինչպես նաեւ նա ինքը։
