Հայկական Picsart ընկերությունը 130 մլն դոլար է ներգրավել զարգացման ֆինանսավորման համար, հաղորդել է Business Ware-ը:
Կապիտալի նոր ներգրավումը ընկերության գնահատականը մղում է 1 մլրդ դոլարի նշագծին:
PitchBook-ի տվյալներով՝ ընկերության կապիտալը 2019 թվականին գնահատվել է մոտավորապես 600 միլիոն դոլար:
«Picsart-ն աջակցում է տեսողական մշակույթին եւ քանդում է ոգեշնչման եւ ստեղծագործման միջեւ արգելքները», - նշել է Picsart-ի հիմնադիր եւ գլխավոր տնօրեն Հովհաննես Ավոյանը:
«Մենք ցանկանում ենք աշխարհը դարձնել ավելի կրեատիվ, որպեսզի ամբողջ աշխարհում օգտվողները զբաղվեն դիզայնով, խմբագրմամբ եւ հրապարակմամբ Picsart-ում եւ դրանից դուրս: Այս լրացուցիչ կապիտալը՝ ազդեցիկ գործընկերների գլխավորությամբ, թույլ կտա է՛լ ավելի ամրապնդել մեր դիրքերը՝ որպես ստեղծագործական սերնդի հիմք», - հավելել է նա:
