Հայաստանում, սկսած եկող տարվանից, նշվելու է Ընտանիքի օրը:
Հայաստանի կառավարության տեղեկատվության եւ հասարակայնության հետ կապերի վարչությունից NEWS.am-ին հայտնում են, որ մայիսի 20-ին կայացած նիստում գործադիրը հավանություն է տվել ՀՀ Ազգային Ժողովի մի խումբ պատգամավորների` օրենսդրական նախաձեռնության կարգով ներկայացրած «ՀՀ տոների եւ հիշատակի օրերի մասին» ՀՀ օրենքում լրացում կատարելու մասին" օրինագծին, որով առաջարկվում է սահմանել Ընտանիքի օր եւ այն, որպես տոն, նշել ամեն տարվա մայիսի 15-ին։