News
Լրահոս
News
Ուրբաթ
Հոկտեմբեր 22
Տեսնել լրահոսը

ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում ավարտվել է 54-ամյա տղամարդու սպանության դեպքի առթիվ հարուցված քրեական գործի նախաքննությունը:

ՔՄ-ից NEWS.am-ին հայտնում են, որ քրեական գործով իրականացված քննչական և այլ դատավարական գործողությունների արդյունքում պարզվել են դեպքի՝ էական նշանակություն ունեցող հանգամանքները:

Մասնավորապես` քննությամբ պարզվել և հիմնավորվել է, որ 2021թ. հունիսի 4-ին՝ ժամը 20:30-ի սահմաններում, կենցաղային հարցերի շուրջ վիճաբանություն է տեղի ունեցել Շենգավիթ վարչական շրջանի բնակիչ, 1966թ. ծնված տղամարդու և նույն տանը բնակվող վերջինիս քրոջ որդու միջև, որի ընթացքում տղամարդը հայհոյել և փորձել է փայտի կտորով հարվածել զարմիկին, ինչից հետո վերջինս բռունցքով հարվածել է մորեղբոր դեմքին, իսկ դանակով` կրծքավանդակին: Միջադեպից հետո տղամարդը բարձրացել է տուն, իսկ հաջորդ օրը՝ հունիսի 5-ին՝ ժամը 15:30-ի սահմաններում, վերջինիս քույրը եղբորը հայտնաբերել է մահացած վիճակում:

Տուժողի մարմնական վնասվածքի բնույթը, ծանրության աստիճանը, առաջացման մեխանիզմը և մի շարք այլ հանգամանքներ պարզելու նպատակով նշանակվել է դատաբժշկական փորձաքննություն:

Ըստ փորձագետի եզրակացության՝ տղամարդու մահվան պատճառը հանդիսացել է արյան սուր կորուստը, որը հետևանք է եղել կրծքավանդակի ձախ կեսի առաջային մակերեսի ծակած-կտրած թափանցող վնասվածքի։

Ձեռք բերված բավարար ապացույցների համակցությամբ՝ տուժածի քրոջ որդուն մեղադրանք է առաջադրվել՝ ՀՀ քրեական օրենսգրքի 104-րդ հոդվածի 1-ին մասով, և նրա նկատմամաբ որպես խափանման միջոց կիրառվել է կալանավորումը:

Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին:

Տպել
Կարդացեք նաև
Ամբողջը
Ձերբակալվել է ճապոնացին, ով իր կատվին ստիպել է լողալ
Ընդ որում, ինքը՝ տղամարդը, հերքում է, որ իր պահվածքը կարող է որպես բռնություն որակվել․․․
Մեքսիկայում հանցագործները հավաքագրում են երեխաներին վիդեոխաղի միջոցով
«Դա արվում է PlayStation, Xbox, Nintendo Switch խաղերի միջոցով․․․
Պետերբուրգում կալանավորել են հրազենի ապօրինի շրջանառությամբ զբաղվող 7 ադրբեջանցու
Կալանավորումը տեղի է ունեցել «Դոլչե վիտա» սրճարանում...
Ալկոհոլի ազդեցության տակ փորձել է սպանել հարազատ մորը. քրգործը Քննչական կոմիտեի վարույթում է
2021թ. հոկտեմբերի 17-ին և 18-ին նշված բնակարանի 56-ամյա բնակիչը, գտնվելով ալկոհոլի ազդեցության տակ, պարբերաբար հայհոյանքներ և սպանության...
Երևանում բախվել են Mazda-ն ու Opel-ը․ 3 վիրավորներից մեկին հատուկ տեխնիկայով մեքենայից դուրս են բերել փրկարարները
Երեւանում, հոկտեմբերի 20-ին, խոշոր ավտովթար է տեղի ունեցել. ժամը 20։00-ի…
Իոաննիսյանի գույքի նկատմամբ հայտարարվել է հետախուզում, 105 հազար դրամ կբռնագանձվի հօգուտ Նարեկ Մալյանի. փաստաբան
Միգուցե ինչ որ մարդկանց հաջողվել է այս մեթոդով…
Ամենաշատ