News
Լրահոս
News
Ուրբաթ
Փետրվար 03
USD
395.53
EUR
393.43
RUB
6.42
Տեսնել լրահոսը

Տասնյակ ցուցարարներ փակել են Պորտ Սուդան քաղաքի խոշոր խողովակաշարը Սուդանի արեւելքում՝ փորձելով հասնել այն բանին, որպեսզի կատարվեն իրենց պահանջները, տեղեկացնում է Al Jazeera հեռուստաալիքը։

Ինչպես հայտարարել է էներգետիկայի եւ նավթային արդյունաբերության նախարար Ջայդեյն Ալի Հասանը, ցուցարարները լրիվ փակել են նավահանգիստը, որով տեղի է ունենում Հարավային Սուդանից դեպի Խարթում տեղափոխվող նավթի բեռնաթափումը։

«Ցուցարարների գործողությունների պատճառով փակվել են նավթապոմպային կայանները, որոնք նավթամթերքը մղում են դեպի Խարթում, ինչը կարող է հանգեցնել վառելիքի պակասի առաջիկա օրերին»,- ընդգծել է նա։ Վառելիքը Խարթումի նավթավերամշակման գործարանում կբավականացնի միայն 10 օր։ Նախկինի պես գործում է նաեւ մյուս խողովակաշարը, որն օգտագործվում է հում նավթը հարեւան Հարավային Սուդանից արտահանելու համար, բայց այն բավական խոցելի է, իսկ ցուցարարները թույլ չեն տալիս իրականացնել նավթի բեռնաթափումը նավից։

Նախարարը կառավարությունից խնդրել է շտապ միջամտել ցուցարարների հետ կապված իրավիճակին։  Պորտ Սուդանով երկիր է գալիս պարենի եւ նավթի 70 տոկոսը։

Երկրի արեւելյան նահանգների բնակիչները ցույցի են դուրս եկել աղքատության, առողջապահության, կրթության, սոցիալական օգնության ոլորտներում հիմնային սպասարկումների անբավարարության պատճառով։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ