Հայաստանի եւ Չեխիայի արտաքին գործերի նախարարները կարծիքներ են փոխանակել տարածաշրջանային զարգացումների վերաբերյալ։ Այս մասին  տեղեկացրել է Չեխիայի ԱԳՆ ղեկավար Յակուբ Կուլխանեկը հայ պաշտոնակցի հետ հանդիպման արդյունքների վերաբերյալ ճեպազրույցում։ Հիշեցնենք, որ չեխ նախարարը Երեւանում է աշխատանքային այցով։

Ցավակցություն հայտնելով զոհվածների ընտանիքներին՝ նախարարը տեղեկացրել է, որ Չեխիան պատրաստ է հոգեբանական աջակցություն ցուցաբերել տուժածներին եւ փախստականներին։

Նրա խոսքով՝ Չեխիան կշարունակի աջակցել խաղաղ գործընթացին Հայաստանի եւ Ադրբեջանի միջեւ ԵԱՀԿ ՄԽ ձեւաչափում։ Այս առնչությամբ նախարարը ողջունել է երկու երկրների արտգործնախարարների  հանդիպումը Նյու Յորքում՝ Մինսկի խմբի հովանու ներքո։

Հիշեցնենք, որ մինչեւ Երեւան գալը Չեխիայի արտգործնախարարը եղել էր Բաքվում։