Հայաստանի կառավարությունը հարկային արտոնություններ կառաջարկի ձեռնարկություններին` պատերազմի պատճառով հաշմանդամ դարձածներին աշխատանքի տեղավորելու համար: Այս մասին հոկտեմբերի 6-ին ՀՀ Ազգային ժողովի նիստի ժամանակ ասել է աշխատանքի եւ սոցիալական հարցերի նախարար Նարեկ Մկրտչյանը՝ պատասխանելով պատգամավորների հարցերին:
Օրինագծի համաձայն, որն այժմ քննարկվում է կառավարությունում, եթե այս կամ այն ձեռնարկությունը աշխատանքի է ընդունում հաշմանդամներին, ապա պետությունը փոխհատուցում է եկամտահարկը՝ եռամսյակում մինչեւ 100 հազար դրամի չափով: Արտոնությունը գործելու է մեկ տարի: «Բացի այդ, կառավարությունը կօգնի կահավորել աշխատավայրերը այս աշխատողների համար, եթե միայն դրա անհրաժեշտությունը կա», - հայտնել է նախարարը: