Դատարանն Իրանում 45-ամյա տղամարդուն դատապարտել է կուրացման ծեծկռտուքի պատճառով, գրում է IranWire պարբերականը։
Այսպիսի պատիժ է նշանակվել, որովհետեւ քաշքշուկի հետեւանքով նա կուրացրել է հակառակորդի մեկ աչքը։
Ինչպես գրում է լրատվամիջոցը, չի ճշտվում, թե արդյոք ամբաստանյալի մեկ աչքն են հանելու, ինչպես տուժողինը, թե երկուսն էլ։ Իրանցին, որի անունը չի նշվում, այսպիսի պատժի է արժանացել հատուցման մասին երկրի օրենքին համապատասխան, որը հայտնի է որպես «կիսաս»։
Ըստ բոլորի կողմից ընդունված սահմանման՝ կիսասը պատիժ է, որը ծանրությամբ հավասար է կատարած հակաիրավական արարքին։ Հայտնի չէ, թե երբ եւ ինչպես է դատավճիռն ի կատար ածվելու։ Ինքը՝ դատարանի առջեւ կանգնած տղամարդը, նույնպես որեւէ կերպ չի մեկնաբանել իրավիճակը։