News
Լրահոս
News
Ուրբաթ
Դեկտեմբեր 03
Տեսնել լրահոսը

Բրազիլիայի Սենատի հանձնաժողովը քվեարկել է նախագահ Ժաիր Բոլսոնարուին մեղադրելու օգտին՝ Covid-ի համավարակի ժամանակ նրա կառավարման հետ կապված, հայտնում է BBC-ն։

11 հանձնաժողովականներից յոթը կողմ են հանդես եկել զեկույցին, որը կոչ է անում ինը մեղադրանք առաջադրել Բոլսոնարուի դեմ, այդ թվում՝ մարդկության դեմ հանցագործությունների համար:

Հանձնաժողովի նախագահ սենատոր Օմար Ազիզը չորեքշաբթի արդյունքները կուղարկի Բրազիլիայի գլխավոր դատախազին: Բոլսոնարուն պնդում էր, որ ինքը «ոչնչում մեղավոր չէ»։ Բրազիլիայում ավելի քան 600.000 մարդ է մահացել Covid-ից. ցուցանիշը զիջում է միայն ԱՄՆ-ում մահացածների թվին:

Երաշխիքներ չկան, որ այս քվեարկությունը Բոլսոնարուի քրեական հետապնդմանը կհանգեցնի, քանի որ զեկույցի առաջարկներն այժմ պետք է գնահատի Բրազիլիայի գլխավոր դատախազը, որը նշանակվել է Բոլսոնարուի կողմից, ով, ինչպես սպասվում է, պետք է պաշտպանի նախագահին:

Զեկույցում ասվում է, որ Բոլսոնարուի կառավարությունը քաղաքականություն է իրականացրել, որը թույլ է տվել, որպեսզի կորոնավիրուսը տարածվի ամբողջ երկրում՝ կոլեկտիվ իմունիտետի ձեռք բերման հույսով:

Մարդկության դեմ հանցագործություններից բացի, Սենատի հանձնաժողովն առաջարկել է նրան մեղադրել ութ այլ հանցագործությունների մեջ, այդ թվում՝ հանցագործության դրդման, կեղծիքի եւ սոցիալական իրավունքների խախտման: Բոլսոնարուն մեղադրվում է պետական ​​միջոցների չարաշահման եւ համավարակի մասին կեղծ լուրեր տարածելու մեջ։

1300 էջանոց զեկույցում նաեւ առաջարկվում է մեղադրանքներ ներկայացնել երկու կորպորացիաների եւ 77 այլ ընկերությունների, այդ թվում՝ նախագահի երեք չափահաս որդիների դեմ:

Քվեարկությունը եզրափակում է վեցամսյա հետաքննությունը, որը բացահայտել է սկանդալներն եւ կոռուպցիան Բրազիլիայի կառավարությունում:

Ամբողջ ընթացքում Բոլսոնարուն պնդում էր, որ իր կառավարությունը «ճիշտ է վարվել» համավարակի առաջին իսկ պահից, իսկ նրա դաշնակիցները շտապել են մերժել առաջարկությունները, քանի որ դրանք ամբողջովին թելադրված էին «քաղաքական եւ ընտրազանգվածային» շարժառիթներով:

!
Այս նյութը հասանելի է նաև   English and Русский
Տպել
Ամենաշատ