News
Լրահոս
News
Կիրակի
Դեկտեմբեր 05
Տեսնել լրահոսը

Խորհրդարանում երեկ կայացած փակ հանդիպմանը սահմանազատման համար պատասխանատուներ ներկա չէին, թեպետ պետք է լիներ ԱԳՆ ներկայացուցիչը։ Այս մասին հոկտեմբերի 27-ին լրագրողների հետ զրույցում ասաց «Պատիվ ունեմ» դաշինքի պատգամավոր Տիգրան Աբրահամյանը։

«Շփման գծում տիրող իրավիճակի հետ կապված հարցերի քննարկման համար կարեւոր էր նաեւ պաշտպանության նախարարության ներկայացուցչի եւ ԱԱԾ տնօրենի ներկայությունը։ Շփման գծում տիրող իրավիճակի մասին մանրամասներ չեն հաղորդվել՝ գաղտնիության ռեժիմից ելնելով, ինչն այս իրավիճակում խելամիտ չեմ համարում։ Զեկուցողները հայտնեցին, որ շփման գծում բավարար ծավալի աշխատանք է տարվում եւ իրավիճակը մտահոգիչ չեն համարում։ Հանդիպման սկզբում զեկուցվեց, որ շատ պատգամավորներ նման տեղեկատվության հասանելիություն չեն ստացել։ Հաղորդվեց նաեւ տեղեկատվություն, որը պատգամավորները չեն կարող հրապարակել։ Մեզ ներկայացվեցին մեր մտահոգությունների պատասխանները։ Պատասխանների ոչ ձևը, ոչ բովանդակությունը չեն կարող հստակեցնել տեղի ունեցողի ամբողջ պատկերը»,- ասաց նա։

Նրա գնահատմամբ՝ այս ամենն էլ ավելի է խորացնում մտավախությունները թե՛ սահմանազատման, թե՛ շփման գծում տիրող իրավիճակի վերաբերյալ։ «Տարբեր աղբյուրներից տեղեկություններ ենք ստանում, որոնք այս կամ այն ​​պատճառով չենք հրապարակի։ Այս իշխանությունները կարծում են, որ իրենք ամեն ինչից վեր են եւ բանակցում են այն կետից, որը նպատակահարմար են գտնում։ Մենք տեսանք, թե դա ուր է տանում։ Մենք կարծում ենք, որ Հայաստանը հետպատերազմյան նման ծանր իրավիճակում իր համար շահեկան դիրքի հասնելու շանսեր չունի։ Շտապողականություն չպետք է լինի: ԽՍՀՄ-ի ներսում տարածքային բաժանումները չեն կարող հիմք հանդիսանալ պետական ​​սահմանների սահմանազատման համար։ Մեզ ձեռնտու չէ, որպեսզի միայն քարտեզները լինեն գործընթացի հիմքում: Սա նեղացնում է մեր հնարավորությունները: Այսպես կոչված անկլավների մասին հիշատակումներն արդեն իսկ նեղացրել են մեր բանակցային հնարավորությունները եւ ծանր դրության մեջ են դրել Հայաստանին»,- եզրափակեց Տիգրան Աբրահամյանը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայի հետախուզությունը մասնակցել է 2020 թվականին Արցախի դեմ պատերազմին. Թուրքիայի փոխնախագահ
Ֆուաթ Օքթայը պաշտոնապես խոստովանել է...
Արցախի Ճարտար քաղաքի գերեվարված բնակիչը սպանվել է. ԱՀ ՄԻՊ
Դեռեւս մարմինը հակառակորդը չի փոխանցվել…
ՌԴ ԱԳՆ-ն արձագանքել է «Լավրովի պլանի» մասին ՀՀ ԱԺ նախագահի հայտարարությանը
Հավելել են, որ չի կարելի խոսել «հանձնման» մասին․․․
«Ադրբեջանը բացահայտորեն անտեսում է միջազգային իրավունքի սկզբունքները». ԱԳ փոխնախարարը ԵՄ-ին կոչ է արել հասցեական լինել
Պարույր Հովհաննիսյանն անդրադարձել է Հայաստանի Հանրապետության և Եվրոպական միության և ԵՄ անդամ երկրների միջև գործընկերային…
Կիպրոսի Ներկայացուցիչների Պալատը միաձայն բանաձեւ է ընդունել Ադրբեջանի ագրեսիայի եւ Արցախում իրավիճակի մասին
Բանաձեւը դատապարտում է Ադրբեջանի ագրեսիան Հայաստանի և Արցախի դեմ` պահանջում է ի կատար ածել 2020 թ-ի նոյեմբերի 9-ի զինադադարի հայտարարության...
Գերեվարված արցախցին անասնապահ է, մեկուկես ամիս առաջ ադրբեջանցիները առեւանգել էին նրա կովերին
Մոտ 20 կով մնացել էր ադրբեջանցիների մոտ․․․
Ամենաշատ