News
Լրահոս
News
Շաբաթ
Մարտ 02
Տեսնել լրահոսը

Facebook-ին պատկանող VR ակնոցներ արտադրող Oculus-ը ձեռք է բերում Within ընկերությունը, որին պատկանում է Supernatural VR ֆիթնես ծրագիրը: Այս մասին ուրբաթ օրը հայտնել է Oculus-ի մամուլի ծառայությունը, փոխանցում է ՏԱՍՍ-ը։

«Ես ուրախ եմ տեղեկացնել, որ Within-ը Supernatural-ի հետ համաձայնագիր է կնքել Meta-ին միանալու մասին <...>: Մենք կարծում ենք, որ ֆիթնեսն անհավատալի հաջողություն կունենա վիրտուալ իրականության մեջ»,- մեջբերվում է Oculus-ի առաջատար ծրագրավորողներից մեկի՝ Ջեյսոն Ռուբինի հաղորդագրությունը։

Նշվում է, որ Within-ը կաշխատի Oculus-ի հետ որպես անկախ ստուդիա Reality Labs ստորաբաժանման կազմում եւ կշարունակի ֆիթնես ծրագրերի մշակումը վիրտուալ տեխնոլոգիաների միջոցով։

Supernatural ծրագիրը թույլ է տալիս խաղային ձեւով մարզումներ իրականացնել վիրտուալ իրականության ակնոցների եւ մի քանի կարգավորիչի միջոցով: Ընդ որում, օգտատերերի գործողությունները վերահսկվում են ֆիթնես մարզիչների կողմից, ովքեր խորհուրդներ են տալիս, թե ինչպես կատարել այս կամ այն վարժությունը։

Facebook-ի հիմնադիր Մարկ Ցուկերբերգը հինգշաբթի հայտարարել էր, որ իր հիմնադրած ընկերությունը փոխում է անվանումը. այժմ այն ​​կկոչվի Meta, որը կմիավորի ոչ միայն ծրագրերի, այլեւ ընդլայնված իրականության սարքերի մի ամբողջ շարք։ Դա, ըստ Facebook-ի հիմնադրի, կնշանավորի ինտերնետի զարգացման նոր փուլը, որի առանցքային հատկանիշը կլինի «ներկայության զգացումը»։

Facebook-ի ռեբրենդինգը տեղի է ունեցել մի շարք սկանդալների ֆոնին, որոնցում ընկերությունը հայտնվել է վերջերս: Սեպտեմբերին The Wall Street Journal-ը սկսեց մի շարք հոդվածներ հրապարակել ընկերությունում եւ դրան պատկանող սերվիսների վնասակար գործողությունների մասին: Հոդվածների նյութի աղբյուրը ներքին փաստաթղթերն են, որոնք թերթի լրագրողին փոխանցել էր Facebook-ի նախկին աշխատակից Ֆրենսիս Հաուգենը։ Ավելի ուշ ամերիկյան պարբերականների արդեն մի ամբողջ կոնսորցիում հանդես եկավ մերկացնող նյութերով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իլոն Մասկը դատի է տվել ChatGPT-ի ստեղծողներին
Գործակալության տվյալներով, իրավական պահանջն այն է, որ շահույթ ստանալու...
Ինչո՞ւ «Ozon»–ով պատվիրված ապրանքների մի մասը չի հասնում Երևան. պարզաբանում
Անխոս, հաճախորդները պետք է ստանան թարմ տեղեկատվություն առաքման ժամկետների և պատվերի կարգավիճակի մասին։ Մեր աջակցման ծառայության...
Meta-ն կդադարի աջակցել Facebook-ում նորությունների հրապարակմանն Ավստրալիայում և ԱՄՆ-ում
Facebook News-ը փակելու որոշումն ընդունվել է, որպեսզի ընկերությունը կարողանա «կենտրոնացնել ժամանակն և ռեսուրսներն այն բանի վրա, ինչ մարդիկ ամենաշատն են ցանկանում տեսնել...
Հոգեբանները պարզել են, որ Մասկի X սոցցանցը մարդկանց նյարդային և դժգոհ է դարձնում
X-ի օգտագործման հոգեբանական ազդեցությունը վերլուծելու համար գիտնականները հավաքագրել են 252 մարդու, ովքեր շաբաթական առնվազն երկու անգամ մուտք են գործել սոցցանց...
«Առաջին ալիքի» եթերում խոսել են հայկական արմատներով թվային ակտիվի՝ FTN-ի մասին
Թվային դրամի ներմուծումը հնարավորություն կտա «ծրագրավորված փող» օգտագործել  կյանքի տարբեր ոլորտներում...
«ՄՏՍ Արմենիա» ՓԲԸ-ի բաժնետոմսերի 20 տոկոսը նվիրաբերվեց Հայաստանի Հանրապետությանը. Փաշինյանը շնորհակալություն հայտնեց
Կառավարությունն իր այսօրվա՝ փետրվարի 29-ի նիստում որպես նվիրատվություն բաժնետոմսեր...
Ամենաշատ