Այն ինչ հիմա կատարվում է, ճակատագրական է, Հայաստանը հազարամյակների ընթացքում այսպիսի խայտառակ վիճակում չի եղել: Այս մասին այսօր՝ նոյեմբերի 26-ին, լրագրողների հետ զրույցում նշեց ԱԺՄ ղեկավար, նախկին վարչապետ Վազգեն Մանուկյանը:
Անդրադառնալով այսօր Սոչիւոմ Պուտին-Փաշինյան-Ալիեւ հանդիպմանը, նա ասաց. «Ես հույսեր չեմ կապում, որ այդ հանդիպման ժամանակ ինչ-որ մի լուրջ բան կորոշվի, նույնիսկ չեմ կարծում, որ ինչ-որ փաստաթուղթ կստորագրվի: Դեմարկացիայի, դելիմիտացիայի մասին հիմա խոսելն ուղղակի անիմաստ է: Դեմդ թշնամի է, որն ասում է՝ Երեւանն էլ է ուզում վերցնել: Նույնիսկ խաղաղ պայմաններում գտնվող պետություններըտասնյակ տարիներով զբաղված են այդ հարցերով, հիմա դա կեղծ խնդիր է: Ես նույնիսկ չեմ ուզում քննարկել, թե ինչ պայմաններում է պետք դա անել: Հիմա դա չի խնդիրը: Վերցնենք կապիտուլյացիայի փաստաթուղթը, ըստ այդ փաստաթղթի մեր զորքերը պետք է կանգնած լինեին Կուբաթլուում, Զանգելանում: Եթե ուզում էինք սահմանները ճշտել, մնայիք այդ տեղերում եւ սկսեիք բանակցություններ: Ինչո՞ւ դուք նահանջեցիք ու րոպեն մեկ նահանջում եք»:
