News
Լրահոս
News
Երկուշաբթի
Հունվար 24
USD
481.63
EUR
545.49
RUB
6.17
Տեսնել լրահոսը

Հայաստանում արդեն երկար տարիներ շատ բիզնեսների ղեկավարներին օգնում են ավտոմատացման համակարգերը՝ ստեղծված ծրագրերի ապահովման «Infoexpert» ընկերության կողմից: Բիզնեսի կառավարումն ավտոմատացման միջոցով ավելի հեշտ դարձնող ընկերությունը նշեց իր 25-ամյակը եւ ներկայացրեց իր երկու նոր ծրագիրը:

«Infoexpert» ընկերության հիմնադիր գլխավոր տնօրեն Արամ Գրիգորյանը 1996 թվականին հնարավորություն է ունեցել աշխատել Մոսկվայում ու ծանոթանալ 1C ծրագրին, որից հետո Հայաստանում հիմնել է իր ընկերությունը:

«Մենք ավտոմատացնում ենք բիզնեսը՝ սկսած փաստաթղթեր մուտքագրելուց վերջացրած գործընկերների հետ փոխհարաբերությունների կառավարման գործընթացով, ինչպես նաեւ տալիս ենք մարդկային, ֆինանսական և նյութական ռեսուրսների կառավարման հնարավորություն: Ատվոմատացման է ենթակա նաեւ հաշվապահությունը, որի սխալների դեպքում ընկերությունը կարող է անվերադարձ կորուստ ունենալ: Ավտոմատացումը հնարավորություն է տալիս բիզնեսի ղեկավարին վերլուծել այն ամենն, ինչն ինչ-որ ձեւ կարող է ազդեցություն ունենալ ընկերության գործունեության վրա՝ կադրերի կառավարման հնարավորությունից մինչեւ զարգացման պլանի եւ ձեռքբերումների պլանավորում: Մենք ստեղծում ենք ծրագրեր, որոնք կառավարում են, թույլ չեն տալիս նախ սխալներ գործել, մյուս կողմից էլ թույլ են տալիս քիչ մարդկային ռեսուրսներով իրականացնել շատ բարդ հաշվարկներ ու վերլուծություններ: Կախված նրանից, թե ծրագրում ինչ ալգորիթմական լուծումներ ու հսկողության կետեր են դրվել, հնարավոր կլինի հնարավորինս նվազեցնել ֆինանսականան կորուստը կամ սխալ կառավարումը»,-ասաց Արամ Գրիգորյանը:

Ռուսական ծագում ունեցող 1C ծրագրի հենքի վրա ստեղծվում են անհատական ծրագրեր ամեն դիմող ընկերության համար: Նոր ստեղծվող ծրագիրը նախ համապատասխանեցվում է ՀՀ օրենքներին, որից հետո կոնկրետ դիմող ընկերության պահանջներին, որի մեջ մտնում են բիզնեսի առանձնահատկությունները, ծառայությունների մատուցումը: Պատվիրատուի բոլոր ցանկությունները հաշվի են առնվում: Ավտոմատացումը ներառում է նաեւ կոնկրետ հաշվապահի աշխատանքի ոճը՝ նկատի ունենալով, թե տարբեր գործընթացների ժամանակ ի՞նչ մոտեցումներ է նա ցուցաբերել:

Ավտոմատացումը ենթադրում է բիզնեսի կառավարում ավելի համակարգված ու արագ տարբերակով: Բնականաբար, ինչպես ցանկացած համակարգում, այնպես էլ այս դեպքում հնարավոր է առաջանա խափանում՝ մի դեպքում աշխատակիցը ինչ-որ բան սխալ է արել, մյուս դեպքում հոսանքազրկում է եղել, բայց բոլոր տվյայները ծրագրում պահպանվում են, իսկ առաջացած խնդիրները հնարավորինս արագ կարգավորվում է «Infoexpert» ընկերության կողմից: Սպասարկումը իրականացվում է հեռավար, հատկապես համավարակի պայմաններում սա լավագույն աշխատելու տարբերակն է:

Ընկերության ղեկավարի խոսքով՝ ներդրվում է տվյալ բիզնեսին համապատասխան ծրագիր, որը ներառում է նաև կառավարման ալգորիթմ եւ ընկերությունը սկսում է մուտքագրել իր տեղեկությունը եւ աշխատել: «Infoexpert»-ի միջամտության հարցն առաջանում է այն դեպում, երբ արդեն նոր բիզնես նախագծեր կան, որոնց համար նոր ծրագիր է հարկավոր:

«Ավտոմատացման հնարավորությունից կարող են օգտվել ամենատարբեր ընկերությունները՝ կախված չէ բիզնեսի բովանդակությունից: Այս պահին «Infoexpert» ընկերությունն աշխատում է ամենատարբեր բիզնես նախագծերի հետ՝ շինարարություն, առք-վաճառք, արտադրություն, առողջապահություն եւ այլն: «Ավտոմատացում առանց սահմանների» բնորոշումն այստեղից է գալիս՝ ոչ ոլորտի, ոչ բիզնեսի գործընթացների սահմանափակում չկա: Եթե պատվիրատուի երկեւակայության մեջ արդեն առաջացել է այս կամ այն բիզնեսն ու գործընթացն ավտոմատացնել, ապա մենք կստեղծենք համապատասխան ծրագիրը»,-նշեց ընկերության ղեկավարը:

Ներկայացվեց երկու նոր ծրագիր փոքր ու միջին բիզնեսի համար՝ 1C Հաշվապահություն (Հիմնական փաթեթ) եւ «Արագ պատվերների համակարգ»:

«Արագ պատվերների համակարգ»-ը հնարավորություն է տալիս շուկայի պահանջները գերճշգրիտ վերլուծել, պատվերների իրականացման գործընթացը դարձնել համաձայնեցված, հնարավորինս նվազեցնել սխալների հավանականությունը: Համակարգում ներդրված են արհեստաական բանականության էլեմենտներ, որոնք հնարավորություն են տալիս ունենալ ապրանքի ձեռբերման վերլուծություն ու պլանավորում՝ առանց միջնորդավորված մարդկանց ազդեցության: Հստակ ցույց է տալիս շուկայում պահանջն ու ձեւավորման ընթացքը:

Տպել