News
Լրահոս
News
Չորեքշաբթի
Հունվար 26
USD
482.47
EUR
544.52
RUB
6.1
Տեսնել լրահոսը

Դոնի Ռոստովի թիվ 22 դպրոցի տարածքում կբացվի խորհրդային հրամանատար, Խորհրդային Միության կրկնակի հերոս, Խորհրդային Միության մարշալ Իվան Խրիստոֆորովիչ Բաղրամյանի հուշարձանը։

Ինչպես հայտնում է Հարավային ռազմական օկրուգի մամուլի ծառայությունը, հանդիսավոր միջոցառումը կանցկացվի դեկտեմբերի 2-ին՝ Իվան Խրիստոֆորովիչի ծննդյան օրը, Դոնի Ռոստով, փ. Բերբերովսկայա 10 հասցեում գտնվող դպրոցի տարածքում: Բացման արարողությանը կմասնակցեն Հարավային ռազմական օկրուգի, պատվո պահակախմբի ծառայողները, վարչակազմի եւ հասարակական կազմակերպությունների ներկայացուցիչներ:

Խորհրդային զորավար Իվան Խրիստոֆորովիչ Բաղրամյանը ծնվել է 1897 թվականին Հայրենական մեծ պատերազմի ժամանակ ղեկավարել է առաջին բալթյան եւ երրորդ բելառուսական ռազմաճակատները։ Լենինի յոթ շքանշանակիրը նաեւ երկու անգամ ԽՍՀՄ հերոս է, Խորհրդային Միության մարշալ։

Պատերազմից հետո` արդեն Կուբայի հրթիռային ճգնաժամի ժամանակ, Բաղրամյանը գլխավորել է Կուբայում խորհրդային ուժերի ուղարկման եւ տեղակայման պլանի մշակումը եւ ղեկավարել օպերացիան Խորհրդային Միության կողմից։ Բաղրամյանը զոհվել է 1982 թվականի սեպտեմբերի 21-ին՝ դառնալով Հայրենական մեծ պատերազմի ռազմաճակատները ղեկավարած մարշալներից վերջինը։ Հայտնի զորավարի մոխիրով սափորը թաղված է Մոսկվայի Կարմիր հրապարակի Կրեմլի պատի մեջ:

 

!
Այս նյութը հասանելի է նաև   English and Русский
Տպել
Ամենաշատ