Nissan-ը մինչեւ 2030 թվականը կթողարկի 23 նոր մոդել, որոնցից 15-ը կլինեն էլեկտրական, մնացածը՝ հիբրիդային։ Այս մասին ասվում է ավտոարտադրողի հայտարարության մեջ։
Համաձայն զարգացման նոր ռազմավարության, որը կոչվում է Nissan Ambition 2030, ճապոնական ընկերությունը պատրաստվում է արագացնել իր մեքենաների գծի էլեկտրիֆիկացումը՝ ներդնելով մոտ 17,6 միլիարդ դոլար: Մինչեւ 2028 թվականը Nissan-ը նախատեսում է թողարկել նոր պինդ մարտկոցներով հագեցած էլեկտրական մեքենաներ, որոնք 65%-ով ավելի էժան են, քան լիթիում-իոնային մարտկոցները: Այս մեքենաները կսկսեն արտադրվել Յոկոհամա գործարանում, որը կկառուցվի մինչեւ 2024 թվականը: