News
Լրահոս
News
Կիրակի
Հունվար 16
USD
480.88
EUR
550.94
RUB
6.32
Տեսնել լրահոսը

10 օր առաջ քաղաքացիների ընդունելության ժամանակ մի կին, ով անթաքույց համակրանք ուներ գործող իշխանության նկատմամբ, հիացած պատմում էր մի արդար դատավորի մասին։ Այս մասին Facebook-ի իր էջում գրել է ԱԺ «Հայաստան» խմբակցության անդամ Արամ Վարդևանյանը:

Նա, մասնավորապես, նշել է. «Այդ դատավորը քննել էր կնոջ տարածքային վեճը, ընդ որում քաղաքացուն ներկայացրել է հանրային պաշտպանը։ Դատավորը գործը քննելու համար նույնիսկ գնացել էր հենց այդ վիճարկվող տարածքը տեսնելու։ Այդ դատավորը Զարուհի Նախշքարյանն էր։

10 օրից ԲԴԽ-ն քննելու է Զարուհի Նախշքարյանի կարգապահական վարույթը։ Ընդ որում Արդարադատության նախարարությունը հարուցել էր մի քանի վարույթ։ Ցավոք սրտի, ԲԴԽ-ն վերածվել է ազդեցության և քաղաքական հրահանգներին չենթարկվող, հավասարակշռված ու պրոֆեսիոնալ վարք ու վարկ ունեցող դատավորներին վախեցնելու և պատժելու գործիքի:

Դատավոր Զարուհի Նախշքարյանը ենթարկվում է հետապնդման. Անարդար, քաղաքական, բացահայտ ու խայտառակ ձևով: Ու ԲԴԽ-ն, լուռ, համր ու հեզաբար կատարում է այս իշխանության ցանկացած որոշում։ Եթե այս իշխանությունը որոշի պատժել հենց ԲԴԽ-ին, ԲԴԽ-ն դա էլ կանի՝ իրենք իրենց կպատժեն. Առանց հարցնելու, հեզ ու խոնարհաբար։

10 օր առաջ այդ կինը չգիտեր, որ ընդամենը 10 օրից սկսվելու է դատական համակարգի ոչնչացման եզրափակիչ ակտերից մեկը։ Դատական համակարգը պահպանող ու պաշտպանող ու կառույցը դարձել է այդ համակարգի դահիճը։

!
Այս նյութը հասանելի է նաև   Русский
Տպել