Աֆղանստանի հարցերով ԱՄՆ-ի հատուկ ներկայացուցիչ Թոմաս Ուեսթը ողջունել է թալիբների որոշումը, ըստ որի՝ կնոջը չի կարելի  ստիպել ամուսնանալ, սակայն նշել է, որ ավելին պետք է անել հասարակության բոլոր ոլորտներում նրանց իրավունքներն ապահովելու համար, հաղորդում է ՌԻԱ Նովոստին։

Ավելի վաղ «Թալիբան» շարժման առաջնորդ Հայբաթուլլահ Ահունձադան հրամանագիր էր ստորագրել, որում ասվում է, որ Աֆղանստանում կինը սեփականություն չէ եւ չի կարող հարկադրված ամուսնանալ։ Նա կազմակերպություններին, աստվածաբաններին եւ ավագանիներին կարգադրել էր «լուրջ միջոցներ ձեռնարկել» կանանց իրավունքներն ապահովելու համար։