Նոր Զելանդիայի իշխանությունները մտադիր են երկարաժամկետ հեռանկարում ամբողջությամբ արգելել ծխախոտի առեւտուրը։ Նվազագույն տարիքը, որով երկրի բնակիչները կարող են գնել ծխախոտի արտադրանք, աստիճանաբար կբարձրանա։ Այս մասին հայտարարել է Վելինգթոնի կառավարությունը։ Նպատակն է ապահովել, որ այսօր դեռահասության տարիքում գտնվող երիտասարդները օրինական ճանապարհով չկարողանան ծխախոտ գնել՝ նույնիսկ չափահասները, հաղորդում է DW-ը։
Նոր Զելանդիայի առողջապահության փոխնախարար Աիշա Վերալը, ով խորհրդարանում ներկայացրել է ծխելու դեմ գործողությունների ծրագիրը, ասել է, որ իշխանությունները ծրագրում են 2027 թվականից ամեն տարի մեկ տարով բարձրացնել ծխախոտ գնելու նվազագույն տարիքը։ «Մենք ցանկանում ենք, որ մարդիկ երբեք չսկսեն ծխել»,-ասել է նա։