Իրանի դեմ ԱՄՆ-ի եւ Իսրայելի հնարավոր ագրեսիան թանկ կարժենա նրանց համար։ Այս մասին հայտնել է իսլամական հանրապետության զինված ուժերում անանուն բարձրաստիճան աղբյուրը, ում խոսքերը շաբաթ օրը մեջբերել է Nurnews գործակալությունը, փոխանցում է ՏԱՍՍ-ը։
«Եթե ագրեսորը պայմաններ ստեղծի, որպեսզի [Իրանի] ռազմական հրամանատարությունը փորձարկի իր հրթիռները իրական թիրախների վրա, ապա նա մեծ գին կվճարի»,- հայտարարել է նա՝ պատասխանելով միջուկային գործարքի մասին բանակցությունների ձախողման դեպքում իսլամական հանրապետության միջուկային օբյեկտներին ԱՄՆ-ի եւ Իսրայելի հնարավոր հարվածի մասին հարցին։