Դեկտեմբերի 12-ին Dvin Music Hall-ում կազմակերպվեց սուրբծննդյան տոնավաճառ, որից ստացված ողջ հասույթն ուղղվելու է բարեգործության:

Թովմասյան հիմնադրամից NEWS.am-ին հայտնում են, որ տոնավաճառը բավականին ընդգրկուն էր, ավելի քան 70 ընկերություններ ներկայացրին իրենց տեսականին՝ խմիչքներ, քաղցրավենիք, զարդեր, հուշանվերներ, գրքեր, հագուստ, ձեռագործ իրեր։

Օրվա ընթացքում հնչեցին դասական ստեղծագործություններ Հայաստանի ֆիլհարմոնիկ նվագախմբի քառյակի և դաշնակահար Դավիթ Բախշինյանի կատարմամբ, մանուկների համար հեքիաթ ընթերցեց հաղորդավար Սերգեյ Սարգսյանը և հայտարարեց նվերների փոխանակման ծրագրի հաջողակ մասնակիցների անունները։

Տոնավաճառը կազմակերպվեց «Ավրորա» մարդասիրական նախաձեռնության ու ՄԱԿ-ի հայաստանյան գրասենյակի նախաձեռնությամբ և  «Թովմասյան» միջազգային հիմնադրամի գործընկերությամբ։