Ժամանակն է, որպեսզի ՆԱՏՕ-ի գլխավոր քարտուղար Յենս Ստոլտենբերգը հեռանա իր պաշտոնից, քանի որ նա չի կատարում իր աշխատանքը, հայտարարել է ՌԴ արտգործնախարար Սերգեյ Լավրովը։
«Եվրոպական, եվրատլանտյան անվտանգությունը հիմնված է մի շարք սկզբունքների վրա, որոնք համաձայնեցվել եւ ստորագրվել են ամենաբարձր մակարդակով՝ որպես քաղաքական պարտավորություններ: Այդ թվում` հավասար եւ անբաժանելի անվտանգության առանցքային հիմնաքարային սկզբունքը, ըստ որի պետությունների եւ կառավարությունների ղեկավարներն ուղղակիորեն գրել են` ոչ մի եվրատլանտյան պետություն, ԵԱՀԿ ոչ մի մասնակից չի ամրապնդի իր անվտանգությունը՝ ոտնահարելով այլոց անվտանգությունը»,- հիշեցրել է Լավրովը RT-ին տված հարցազրույցում, փոխանցում է «ՌԻԱ Նովոստի»-ն:
