Ոստիկանության աշխատակիցները քրեական գործեր են հարուցել Մոսկվայում Հայաստանի եւ Բելառուսի դեսպանատները պայթեցնելու սպառնալիքներով անանուն հաղորդագրություններից հետո, եթե այդ երկրների զորքերը դուրս չբերվեն Ղազախստանի տարածքից։ Այս մասին կիրակի ՏԱՍՍ-ին հայտնել է իրավապահ մարմիններում աղբյուրը։

«Քրեական գործեր են հարուցվել ՌԴ ՔՕ 207 հոդվածի 2-րդ մասով («Ահաբեկչական ակտի մասին դիտավորյալ կեղծ հաղորդում»)»,- ասել է գործակալության զրուցակիցը։ Հոդվածը նախատեսում է 500-700 հազար ռուբլու չափով տուգանք կամ 3-5 տարի ժամկետով ազատազրկում։

Ավելի վաղ հաղորդվել էր, որ հունվարի 7-ին անհայտ անձինք պայթյունի սպառնալիքով նամակներ են ուղարկել Հայաստանի եւ Բելառուսի դեսպանատների էլեկտրոնային փոստին։ Նրանք պահանջել են, որ երկրների զորքերը դուրս բերվեն Ղազախստանի տարածքից։ Շենքերը զննվել են, պայթուցիկ սարքեր կամ պայթուցիկ նյութեր չեն հայտնաբերվել։