Ղազախստանի նախագահ Կասիմ-Ժոմարտ Տոկաեւը հայտարարել է հունվարյան իրադարձությունների մասնակիցների համաներման մասին, հայտնում է Tengrinews.kz-ը։
Ղազախստանին օդի պես ազգային միասնություն է անհրաժեշտ, ընդգծել է պետության ղեկավարը։
«Գործադուլին մասնակցողները եւ իրավապահները մեր քաղաքացիներն են։ Նրանք հույս ունեն, որ ոչ միայն դատավարությունն արդար կլինի, այլեւ հասարակությունը ներողամիտ կլինի։ Պետությունը կրճատել է հունվարյան միջադեպին մասնակցած, սակայն ծանր հանցագործություն չգործած քաղաքացիների պատիժը։ Օրենքը խախտողներից ոմանք գիտակցել են իրենց մեղքը եւ զղջացել անցյալում կատարած արարքների համար։ Ես կարծում եմ, որ ավելի լավ է նրանց ներողամտությամբ վերաբերվել: Ուստի ես որոշում եմ կայացրել միանվագ համաներում հայտարարել հունվարյան իրադարձությունների մասնակիցների համար»,- ասել է Տոկաեւը։
Նախագահը պարզաբանել է, որ համաներումը չի տարածվի անկարգությունների կազմակերպման մեջ ներգրավված հիմնական անձանց, ինչպես նաեւ պետական դավաճանության եւ բռնի իշխանափոխության փորձի մեջ մեղադրվողների վրա։