News
Լրահոս
News
Շաբաթ
Մայիս 21
USD
458.98
EUR
485.74
RUB
7.81
Տեսնել լրահոսը

Ղազախստանում ՀԱՊԿ անդամ երկրների գործողությունների վերաբերյալ արեւմտյան մի շարք երկրների գնահատականները ցինիկ են, կազմակերպությունը ցույց տվեց իր կենսունակությունն ու արդիականությունը։ Այս մասին «Ռոսիա-1» հեռուստաալիքի «Մոսկվա։ Կրեմլ։ Պուտին» հաղորդման եթերում հայտարարել է Դաշնային խորհրդի նախագահ Վալենտինա Մատվիենկոն։

«Այս ցինիզմը, գիտեք, արդեն այնքան ակնհայտ է։ Որտե՞ղ է ՆԱՏՕ-ն, որտե՞ղ է ԱՄՆ-ը, որտե՞ղ Ղազախստանը։ Մենք ամենաերկար սահմանն ունենք Ղազախստանի հետ։ Ի վերջո, եթե հնարավոր չլիներ ժամանակին հաղթահարել այս իրավիճակը, դա սպառնալիք կլիներ ոչ միայն Ղազախստանի ինքնիշխանության համար, դա սպառնալիք կլիներ նաեւ հարեւան երկրների ինքնիշխանության անվտանգության համար»,- ասել է Դաշնային խորհրդի խոսնակը՝ պատասխանելով լրագրող Պավել Զարուբինի արեւմտյան գնահատականների հետ կապված այն հարցին, թե կարող էր արդյոք ընդհանրապես Ղազախստանը երկիր խաղաղապահ առաքելություն ուղարկելու խնդրանքով դիմել ՀԱՊԿ-ին։

Մատվիենկոն ընդգծել է, որ նախկինում էլ են թերահավատ խոսակցություններ եղել ՀԱՊԿ-ի վերաբերյալ։ «ՀԱՊԿ-ը ցույց տվեց իր գործունակությունը, պահանջված լինելը եւ այս կազմակերպության ստեղծման արդիականությունը»,- հավելել է Մատվիենկոն։

!
Այս նյութը հասանելի է նաև   Русский
Տպել