News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը

Արաբական Միացյալ Էմիրությունները գնահատում է այն ռիսկերը, որ արգելված զենքերը կարող են ուղարկվել տարածաշրջանային կոմերցիոն եւ առեւտրային կենտրոնի միջոցով, ինչը Փողերի լվացման դեմ պայքարի ֆինանսական միջոցների մշակման խմբի (FATF) ցուցակում չհայտնվելու ջանքերի մի մասն է։

ԱՄԷ-ն եւ FATF-ը փետրվարի վերջին հանդիպումներ կանցկացնեն Փարիզում, նախքան մարտին դիտորդական մարմինը կթարմացնի բարձր ռիսկային մակարդակ ունեցող իրավասությունների ցուցակը:

FATF-ի 2020 թվականի զեկույցում ասվում է, որ ԱՄԷ-ն կարիք ունի «հիմնարար եւ լուրջ բարելավումների», որպեսզի խուսափի ուժեղացված հսկողության տակ գտնվող երկրների «մոխրագույն ցուցակում» հայտնվելուց:

Ցուցակում հայտնված երկրները վտանգի տակ են դնում իրենց հեղինակությունը, բախվում են գլոբալ ֆինանսներին մուտք ունենալու եւ գործարքների ծախսերի բարձրացման հետ կապված խնդիրների:

Փողերի լվացման եւ ահաբեկչության ֆինանսավորման դեմ պայքարի ԱՄԷ-ի գործադիր գրասենյակը, որը հիմնադրվել է անցյալ տարվա փետրվարին, հայտարարել է, որ վերջին շաբաթներին մեկնարկած ֆինանսական ռիսկերի գնահատումը կօգնի պետական եւ մասնավոր հատվածներին բավարարել նոր պահանջները:

«Ռիսկերի գնահատումը կներառի այն, թե ինչպես ֆինանսական ռեսուրսները կարող են օգտագործվել միջուկային, քիմիական եւ կենսաբանական զենքեր ստեղծելու համար, ներառյալ երկակի նշանակության միջոցները, տեխնոլոգիաները եւ ապրանքները, որոնք օգտագործվում են դրանց առաքման համար»,- ասվում է պետական WAM լրատվական գործակալության հայտարարության մեջ: «Դա նաեւ ընդգծում է մասնավոր հատվածի պարտավորությունները՝ ԱՄԷ-ի օրենսդրության համաձայն»:

Ակնկալվում է, որ գնահատումը կավարտվի 2022 թվականի վերջին։

ԱՄԷ-ն 2018 թվականին փողերի լվացման եւ ահաբեկչության ֆինանսավորման դեմ պայքարի մասին օրենք է ընդունել եւ ասել է, որ կարգավորող դաշտի հետագա ամրապնդումը ազգային առաջնահերթություն է:

Արտաքին գործերի նախարարությունը հաղորդում է, որ 2020 թվականից ի վեր ինչպես հատուկ տնտեսական գոտիների, այնպես էլ ցամաքային գոտիների ընկերությունների ռեգիստրները ենթարկվել են ավելի խիստ կարգավորման, գրանցամատյաններին տրվել են 65 500 նախազգուշացումներ եւ 585 մլն դիրհամի (159,29 մլն դոլար) տուգանքներ ու կասեցվել են մոտ 9000 առեւտրային լիցենզիաներ։

!
Այս նյութը հասանելի է նաև   Русский
Տպել
Ֆոտոռեպորտաժներ