Ուզբեկստանի իրավապահ մարմինների աշխատակիցները Տաշքենդում կալանավորել են 30 մարդ, որոնց կասկածում են «Քաթիբա Թաուհիդ վալ-Ջիհադ» ահաբեկչական կազմակերպությանը պատկանելու մեջ։ Այս մասին հինգշաբթի տեղեկացրել են Ուզբեկստանի պետական անվտանգության ծառայությունում։
«Տաշքենդում Ուզբեկստանի իրավապահ մարմինների համատեղ գործողության ընթացքում կալանավորվել է 30 մարդ «Քաթիբա Թաուհիդ վալ-Ջիհադ» ահաբեկչական կազմակերպությանը պատկանելու կասկածանքով»,- ասվում է հաղորդագրությունում։ Նշվում է, որ կալանավորվածները աշխատելու համար մայրաքաղաք էին եկել Անդիջանի, Սուրհանդարի եւ Քաշկադարի մարզերից։
Նախաքննական միջոցառումների ընթացքում, հայտնել են մամուլի ծառայությունում, պարզվել է, որ նրանք ծրագրում էին մեկնել Սիրիա եւ մտնել զինյալների շարքերը։
«Քաթիբա Թաուհիդ վալ-Ջիհադ» կազմակերպությունը 2016թ. սեպտեմբերի 26-ին Ուզբեկստանի գերագույն դատարանի որոշմամբ ճանաչվել է ահաբեկչական, նրա գործունեությունն արգելված է երկրի տարածքում։
