Գերմանիան չի կարողանա արագ փոխարինող գտնել ռուսական գազին, ածխին եւ նավթին, եթե դրանց արտահանումը դադարեցվի։ Այս մասին հայտնում է Welt-ը՝ վկայակոչելով Երկրաբանության եւ բնական պաշարների դաշնային ինստիտուտի (BGR) տվյալները, փոխանցում է «Գազետա»-ն։
«Կարճ ժամանակում այդքան մեծ ծավալով էներգիայի հումքի փոխարինող գտնելն անհնար է։ Չափազանց դժվար եւ նույնիսկ անհնար է արագ եւ ամբողջությամբ փոխարինել այն մասնաբաժինը շուկայում, որն ունի Ռուսաստանն ածխի, գազի եւ նավթի ոլորտում»,- կարծիք է հայտնել BGR-ի փորձագետ Մարտին Փայնը:
Դաշնային ինստիտուտի տվյալների համաձայն՝ Ռուսաստանին բաժին է ընկնում նավթի ներմուծման 34 տոկոստ, գազի ներմուծման ավելի քան 50 տոկոսը եւ կարծր ածխի ներմուծման 45 տոկոսը։
Ըստ Քյոլնի գերմանական տնտեսագիտության ինստիտուտի փորձագետ Հուբերտուս Բարդտի՝ գազը էներգիայի այլ աղբյուրներով փոխարինելը շատ դժվար է, ամենակարճ ժամանակում այս վառելիքին այլընտրանք գտնելը արդյունաբերության մեջ եւ ջեռուցման համար գրեթե անհնար է:
