Մեծ Բրիտանիայի վարչապետ Բորիս Ջոնսոնը երեքշաբթի հայտարարել է, որ Մեծ Բրիտանիան պատժամիջոցներ է սահմանում ռուսական հինգ բանկերի եւ «երեք շատ հարուստ անձանց» դեմ, այդ թվում՝ Volga Group-ի մասնավոր ներդրումային խմբի սեփականատեր Գենադի Տիմչենկոյի նկատմամբ։ Պատժամիջոցները սահմանվել են այն բանից հետո, երբ ՌԴ նախագահ Վլադիմիր Պուտինը ճանաչեց ԴԺՀ-ն եւ ԼԺՀ-ն, տեղեկացնում է Reuters-ը:
«Այսօր Մեծ Բրիտանիան պատժամիջոցներ է կիրառում ռուսական հետեւյալ հինգ բանկերի դեմ՝ «Россия», «ИС Банк» (Индустриальный сберегательный банк), «Генбанк», «Промсвязьбанк» եւ «Черноморский»։ Մենք պատժամիջոցներ ենք կիրառում նաեւ երեք շատ հարուստ անձանց նկատմամբ»,- ասել է Ջոնսոնը։
Բացի այդ, նա նշել է, որ Մեծ Բրիտանիայում նրանց պատկանող ցանկացած ակտիվ կսառեցվի, Մեծ Բրիտանիայի բոլոր անհատներին եւ կազմակերպություններին կարգելվի նրանց հետ որեւէ գործ ունենալ։
