News
Լրահոս
News
Հինգշաբթի
Մայիս 30
Տեսնել լրահոսը


Նախիջեւանիկում նախօրեին՝ մարտի 9-ին, հակառակորդի կրակոցներից վնասված տրակտորը հայկական կողմը դեռեւս չի կարողանում վերադարձնել: Այս մասին NEWS.am-ի հետ զրույցում Նախիջեւանիկի համայնքապետ Սեւակլ Պետրոսյանը:

«Այդ տրակտորը միակ գյուղատնտեսական տեխնիկան է, որը դեռ մնացել է այգում: Վաղը, ամենայն հավանականությամբ, դուրս կհանենք ռուս խաղաղապահների միջոցով»,- ասաց Պետրոսյանը:

Պետրոսյանը պատմեց, որ կրակոցների ժամանակ գյուղացիները աշխատելիս են եղել, եւ ստիպված են եղել առանց տեխնիկայի արագ դուրս գալ այգուց:

«Առավոտյան գնացել են տեխնիկան դուրս բերելու ու տեսել են, որ այդ վիճակում է: Չեն կարողացել դուրս հանել, որովհետեւ շատ մոտ է հակառակորդի դիրքին, վտանգավոր է: Առհասարակ, հիմա մեզ մոտ գյուղատնտեսական աշխատանքները դադարեցված են»,- նշեց Սեւակ Պետրոսյանը:

Պետրոսյանի խոսքով՝ այս պահին գյուղում հանգիստ վիճակ է, բնակիչների մոտ խուճապ չկա: Կրակոցների արդյունքում տուժածներ չկան:

Հիշեցնենք, որ Արցախի դատախազությունը երեկ՝ մարտի 9-ին, հաղորդել էր, որ  ադրբեջանական կողմը, խախտելով հրադադարը, տարբեր տրամաչափի զինատեսակներից կրակ է բացել Արցախի Ասկերանի շրջանի Խրամորթ, Նախիջեւանիկ եւ Մարտունու շրջանի Խնուշինակ եւ Կարմիր շուկա գյուղերի ուղղությամբ:

Կրակոցների հետեւանքով գնդակոծվել ու վնասվել է Արցախի Հանրապետության Ասկերանի շրջանի Նախիջեւանիկ համայնքի վարչական տարածքում գտնվող այգում գյուղատնտեսական աշխատանքներ կատարելուց հետո հողօգտագործողի կողմից դաշտում կայանված տրակտորը։

Արցախի ՆԳՆ ոստիկանության Ասկերանի շրջանային բաժնից հաղորդել են, այսօր՝ մարտի 10-ին, Խրամորթ գյուղի բնակիչ 1971թ. ծնված Սուրեն Բաղդասարյանն իրենց տան բակում գյուղատնտեսական աշխատանքներ կատարելու ժամանակ, հակառակորդի կողմից ականանետի արձակված կրակոցից՝ մեջքի շրջանում վիրավորում է ստացել:

Նա տեղափոխվել է Ստեփանակերտի Հանրապետական հիվանդանոց: Վիճակը բավարար է:

!
Այս նյութը հասանելի է նաև   English
Տպել
Կարդացեք նաև
Ամբողջը
ՌԴ ԱԳՆ-ն արձագանքել է Փաշինյանի՝ ԼՂ պատերազմի նախապատրաստմանը ՀԱՊԿ 2 երկրների մասնակցության մասին հայտարարությանը
Բառացիորեն 2020 թվականի աշնանը զինված հակամարտության առաջին իսկ օրերից ռուսական կողմը գործադրեց...
Զոհված զինծառայողների ծնողների՝ փոխնակ մոր ծառայությունից օգտվելու ծրագիրը կշարունակվի. Նոր որոշում
Կառավարությունն իր այսօրվա՝ մայիսի 23-ի նիստում որոշում կայացվեց, որով կապահովվի...
Ադրբեջանի կողմից ռազմագերիների ազատ արձակումը նախապայման է խաղաղ բանակցությունների համար. Կլոդ Վիզլեր
Սա երկրորդ այցելությունն է Հայաստան վերջին մեկ տարվա ընթացքում, դա աննախադեպ է...
ԵՄ-ն ակտիվ կերպով կշարունակի տարածաշրջանում Հայաստանի և Ադրբեջանի միջև միջնորդի դերը ստանձնել. Վիզլեր
Լյուքսեմբուրգը հավատարիմ է աջակցելու ԵՄ քաղաքացիական առաքելությանը...
24 անհայտ կորած զինծառայողների ընտանիքները եւս երկու ամիս կստանան 300-հազարական դրամ աջակցությունը
Կառավարությունն իր այսօրվա՝ մայիսի 16-ի նիստում որոշեց 2 ամսով երկարաձգել 44-օրյա...
ՄԱԿ-ի Խոշտանգումների դեմ կոմիտեի եզրահանգումները Ադրբեջանի կողմից՝ իր պարտավորությունների կատարման վերաբերյալ
ՄԱԿ Խոշտանգումների դեմ կոմիտեն 2024թ. մայիսի 10-ին հրապարակել է Ադրբեջանի կողմից ՄԱԿ Խոշտանգումների դեմ կոնվենցիայի ներքո...
Ամենաշատ
Ֆոտոռեպորտաժներ