Անցյալ դեկտեմբերին Mercedes-Benz-ը պատմել էր Off-White լեյբլի հիմնադիր Վիրջիլ Աբլոյի հետ վերջին համատեղ նախագծի մասին, որը կոչվում է Project Maybach: Եվ հիմա՝ չորս ամիս անց ընկերությունը կրկին սկսել է խոսել այս արդյունավետ համագործակցության մասին։ Հագուստի եւ աքսեսուարների կապսուլային հավաքածուի հետ միասին ներկայացվել է սահմանափակ քանակով Mercedes Maybach S680 սեդանը, որի վրա աշխատանքն ավարտվել է մինչեւ մոդելավորողի մահը, գրում է Motor-ը։
Չորս դռներով ավտոմեքենան կթողարկվի 150 օրինակով եւ կվաճառվի միայն Off Whit, Farfetch եւ Maybach Icons of Luxury առցանց խանութների, ինչպես նաեւ Off White առանձին խանութների միջոցով:
Mercedes Maybach S680 by Virgil Abloh սեդանը ներկված է երկու գույների համադրությամբ, որոնք ստեղծվել են հատուկ վեց մետրանոց Project Maybach շոու-մեքենայի համար: Մեքենայի կողային պատերը եւ բամպերները ավազագույն են։ Կապոտը, տանիքը, բեռնախցիկի կափարիչը ներկված են փայլուն Obsidian Black-ով: Նմանատիպ գունային սխեմա է ընտրվել նաեւ թափքի համար, որը պատված է «նապա» կաշվով։ Mercedes-Maybach եւ Virgil Abloh կրկնակի տարբերանշանները կան կենտրոնական վահանակի, բարձիկների, գլխատակերի եւ շեմերի վրա:
Mercedes Maybach S680 հատուկ թողարկումը Mercedes-Benz-ի եւ Վիրջին Աբլոյի երրորդ եւ վերջին համագործակցությունն է: Աշխարհահռչակ դիզայները անցյալ տարի մահացել է քաղցկեղից՝ թողնելով հարուստ ժառանգություն։ Բացի Project Maybach կուպեից, դրա մաս է կազմել Project Geländewagen ամենագնացը: