News
Լրահոս
News
Հինգշաբթի
Հունիս 30
USD
407.21
EUR
423.54
RUB
7.75
Տեսնել լրահոսը


Վճռաբեկ դատարանը, նախագահությամբ դատավոր Համլետ Ասատրյանի, քիչ առաջ ՀՀ վարչապետ Նիկոլ Փաշինյանի վերաբերյալ 2010 թվականին կայացված դատավճիռը բեկանեց եւ նրան «Մարտի 1-ի» գործով արդարացնելու որոշում կայացրեց։

Նիկոլ Փաշինյանի վերաբերյալ ՀՀ ՔՕ 225-րդ հոդվածի 1-ին մասով (զանգվածային անկարգություններ) Երեւանի առաջին ատյանի ընդհանուր իրավասության դատարանի 2010 թվականի հունվարի 19-ի դատավճիռը եւ ՀՀ վերաքննիչ քրեական դատարանի 2010 թվականի մարտի 9-ի որոշումը բեկանվեց։ Նիկոլ Փաշինյան ՀՀ ՔՕ 225-րդ հոդվածի 1-ին մասով առաջադրված մեղադրանքում ճանաչվեց անմեղ եւ արդարացվեց։ Ըստ Վճռաբեկ դատարանի որոշման՝ քրեական գործի վարույթը կարճվեց՝ հանցակազմի բացակայության պատճառաբանությամբ։ 

Նշենք,որ ՀՀ վարչապետին արդարացնելու պահանջով Վճռաբեկ դատարան էր դիմել գլխավոր դատախազ Արթուր Դավթյանը:

Հիշեցնենք, որ 2022թ ՄԻԵԴ-ը հրապարակել է «Փաշինյանն ընդդեմ Հայաստանի» գործով վճիռը՝ 2008թ փետրվարի 19-ի նախագահական ընտրություններին հաջորդած բողոքի շարժմանը մասնակցելու համար դիմումատուի դատապարտման վերաբերյալ, որով արձանագրվել է, որ խախտվել է Փաշինյանի ազատության եւ անձնական անձեռնմխելիության, հավաքների ազատության իրավունքը եւ նրա իրավունքները հարգելու պետության պարտականությունը։ Փաշինյանը դրամական փոխհատուցման պահանջ չէր ներկայացրել։

Չունենալով ՀՀ կառավարության առարկությունները՝ ՄԻԵԴ-ը միայն դիմումատու Նիկոլ Փաշինյանի ներկայացրած փաստարկների հիման վրա որոշել է, թե խախտվել են նրա իրավունքները, ինչն էլ որպես հիմք ընդունելով ՀՀ գլխավոր դատախազը Վճռաբեկ դատարան է դիմել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իշխանությունը գործը տանում է դեպի նոր մարտի 1․ Արծվիկ Մինասյան
Նրանք արյուն են տենչում․․․
Գլխավոր դատախազը խոստովանել է, որ մարտի 1-ի գործի հետաքննության հարցում «դժվարություններ» կան
«Մարտի 1»-ի գործով դժվարություններ կան, ասել է Արթուր Դավթյանը...
Դատարանը մերժել է «Մարտի 1»-ի զոհերի հարազատների հայցն ընդդեմ «Զինվորի մայր» ՀԿ ներկայացուցիչների
Ըստ հայցվորների «28․11․2019 թվականին Կառավարության դիմաց տեղի է ունեցել հավաք ․․․
Հիշատակի արարողություններ՝ մարտի 1-ին զոհված ոստիկանների շիրիմներին
Զոհվեցին ոստիկանության զորքերի զինծառայողներ մայոր Համլետ Թադևոսյանն ու սերժանտ Տիգրան Աբգարյանը...
Խորհրդարանականները հարգել են 2008 թ. մարտի 1-ի զոհերի հիշատակը
ՀՀ ԱԺ նախագահի տեղակալ, ԱԺ նախագահի լիազորությունները կատարող Հակոբ Արշակյանն ԱԺ նախագահի տեղակալ Ռուբեն Ռուբինյանի, ԱԺ «Քաղաքացիական...
Արամ Վարդեւանյան. Մարտի 1-ի դեպքերը կհիշվեն Ղազախստանի դեպքերին ՀՀ իշխանությունների արձագանքի համատեքստում
«Ղազախստանի դեպքում ՀՀ վարչապետ Նիկոլ Փաշինյանը ղազախ ժողովրդին կոչ չարեց խլել մահակները ոստիկաններից, զինվել Մոլոտովի կոկտեյլներով...
Ֆոտոռեպորտաժներ