News
Լրահոս
News
Երկուշաբթի
Օգոստոս 08
USD
405.95
EUR
413.66
RUB
6.73
Տեսնել լրահոսը

Իսպանիայի իշխանությունները մինչեւ 100 մլն եվրո արժողությամբ կանեփի 415 000 բույս են  ոչնչացրել՝ Եվրոպայում կանեփի ամենամեծ պլանտացիայի ապամոնտաժման գործողության շրջանակներում, հայտնում է AP-ն։

Մոտ 50 տոննա բույսերը չորացնում էին պահեստում, որպեսզի վերածեն կաննաբիդիոլի, որը ոչ հոգեակտիվ միացություն է եւ ավելի ու ավելի հաճախ է օգտագործվում տագնապի, անքնության եւ այլ հիվանդությունների բուժման համար:

Պլանտացիան գտնվում է Նավարայի հյուսիսային գյուղական շրջանում՝ 67 հեկտար ընդհանուր մակերեսով 11 դաշտերի վրա, ասվում է քաղաքացիական գվարդիայի հայտարարության մեջ։

Գյուղատնտեսության նախարարության տվյալներով՝ թեեւ կաննաբիդիոլի վաճառքն ու սպառումը օրինական է Իսպանիայում եւ Եվրոպայի մեծ մասում, իսպանական օրենքը դեռեւս արգելում է կանեփի աճեցումը ցանկացած նպատակով, բացի արդյունաբերականից, ինչպիսիք են տեքստիլի եւ սերմերի արտադրությունը։

Դեղերի համար կանեփ աճեցնելը մնում է քրեական հանցագործություն:

Գործողության արդյունքում, որը 2021թ․ կեսերին է սկսվել, երեք մարդ է ձերբակալվել։

Քաղաքացիական գվարդիան հայտարարել է, որ պլանտացիայի սեփականատերը սկզբում ֆերման ներկայացրել է որպես արդյունաբերական կանեփի օրինական արտադրության վայր, սակայն հետագայում պարզվել է, որ նա նախատեսում է մեծ քանակությամբ արտահանել Իտալիա եւ Շվեյցարիա՝ կաննաբիդիոլի վերածելու համար:

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ