Ապրիլին Ռուսաստանում ավտոմեքենաների վաճառքը մարտի համեմատ նվազել է գրեթե երեք անգամ։ Այս մասին հայտնում է «Կոմերսանտ»-ը՝ վկայակոչելով «Ավոտստալ»-ի տվյալները։ Մեկ ամսում վաճառվել է ընդամենը 27.2 հազար ավտոմեքենա, ինչը 2.9 անգամ պակաս է մեկ ամիս առաջ գրանցված ցուցանիշից։
Միեւնույն ժամանակ, ամսվա վերջին պահանջարկի փոքր աճ է նկատվում: Վերլուծաբաններն ասում են, որ նոր մեքենաներ այժմ գնում են, քանի որ չեն հասկանում, թե երբ կվերսկսվեն դրանց մատակարարումները, եւ միայն՝ եկամուտների հետ կապված կանխատեսելիության դեպքում:
Պահանջարկը մայիսյան տոներից առաջ աճել է, ինչը կարող է պայմանավորված լինել հետաձգված պահանջարկի էֆեկտով։ «Մարդիկ պարզապես որոշել են չհետաձգել մեքենա գնելը։ Այնուամենայնիվ, մարտին վաճառքներն ընդհանուր առմամբ շատ ավելի բարձր էին, քան ապրիլին»,- մեկնաբանել է «Տոն-Ավտո» ընկերությունների խմբի (Տոլյատի) գլխավոր տնօրեն Ալեքսանդր Կուրիլինը: Բացի այդ, այդ պահին գների աննշան նվազում էր գրանցվել մարտի բարձր գների համեմատ:
Ինչպես նշել է Եվրոպական բիզնեսների ասոցիացիայի ավտոարտադրողների կոմիտեի ղեկավար Ալեքսեյ Կալիցեւը, մինչև տարեվերջ Ռուսաստանում մարդատար ավտոմեքենաների վաճառքը կարող է կրճատվել 50 տոկոսով, նույնիսկ դրական սցենարի դեպքում կհաջողվի վաճառել 800-850 հազար միավոր։ Ընդ որում, Կալիցեւը նախազգուշացրել է, որ կրկնակի կրճատումը լավագույն տարբերակն է, եթե, օրինակ, արտադրության վերականգնումը պետք է լինի միայն երրորդ եռամսյակում, ապա պետք է պատրաստվել վատագույն արդյունքների։
