Ֆինլանդիայի նախագահ Սաուլի Նիինիստյոն այսօր հայտարարել է, որ կարեւոր է հիշել այն մասին, որ անադամակցությունը ՆԱՏՕ-ին չի փոխի աշխարհաքաղաքական իրավիճակը, եւ Ֆինլանդիան նախկինի պես մեծ ցամաքային եւ ծովային սահման է ունենալու Ռուսաստանի հետ, փոխանցում է BBC-ն:
Միեւնույն ժամանակ նա ընդգծել է, որ հույս ունի եւ չի կասկածում, որ Ռուսաստանը պատրաստ է շարունակել կատարել «առօրյա պարտականությունները», որոնք ելնում են երկու երկրի շահերից:
Որպես օրինակ նա նշել է Նորվեգիային, որը ՆԱՏՕ-ի անդամ է եւ սահման ունի Ռուսաստանի հետ եւ կարողացել է պահպանել աշխատանքային հարաբերությունները Մոսկվայի հետ:
Հիշեցնենք, որ Ֆինլանդիան ավելի վաղ պաշտոնապես հայտարարել է ՆԱՏՕ-ին անդամակցելու մտադրության մասին: