Թուրքիայի նախագահ Ռեջեփ Էրդողանի մամուլի քարտուղար Իբրահիմ Քալընը հեռախոսազրույց է ունեցել Շվեդիայի եւ Ֆինլանդիայի, ինչպես նաեւ Գերմանիայի, ԱՄՆ-ի եւ Մեծ Բրիտանիայի իր գործընկերների հետ՝ քննարկելու Շվեդիայի եւ Ֆինլանդիայի՝ ՆԱՏՕ-ին անդամակցելու հայտը։
«ՆԱՏՕ-ին անդամակցելու համար Շվեդիայի եւ Ֆինլանդիայի դիմումների համատեքստում զեկուցվել է, որ ակնկալվում է կոնկրետ քայլեր ձեռնարկել Թուրքիայի ազգային անվտանգության մտահոգությունները լուծելու համար։ Ընդգծվել է, որ եթե Թուրքիայի ակնկալիքները չարդարանան, գործընթացը չի կարող առաջ շարժվել»,-ասել է նա։
Էրդողանը մեղադրել է երկու երկրներին անջատողական ՔԴԲ-ի անդամներին ապաստան տալու եւ ԱՄՆ-ում բնակվող իսլամական քարոզիչ Ֆեթուլլահ Գյուլենի կողմնակիցներին, ում Թուրքիան մեղադրում է 2016 թվականի հեղաշրջման փորձը կազմակերպելու մեջ, ինչը Գյուլենը հերքում է:
