Ռուսաստանի դեմ ԵՄ պատժամիջոցների վեցերորդ փաթեթը կարող է ընդունվել կրճատված տեսքով, ասել է Լեհաստանի վարչապետ Մատեուշ Մորավեցկին, փոխանցում է ՏԱՍՍ-ը։
«Մենք պետք է միասնություն պահպանենք ԵՄ-ում, այնպես որ կարող է ստացվել, որ պատժամիջոցների այս փաթեթը կկրճատվի»,-ասել է Մորավեցկին։
Լեհաստանի վարչապետի խոսքով՝ Ռուսաստանի Դաշնության դեմ պատժամիջոցները պետք է ընդգրկեն «առաջին հերթին նավթն ու գազը, այսինքն՝ հիմնական հումքը, որով Ռուսաստանը վաստակում է»։
Հունգարիան դեմ է նավթի էմբարգոյին եւ կարծում է, որ այս միջոցից վնասը աղետալի կլինի Եվրոպայի համար։