News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

Համավարակը եւ կլիմայական ճգնաժամն ուժեղացրել են պարենով բնակչությանն ապահովելու խնդիրները աշխարհի շատ տարածաշրջաններում, սակայն բռնության կիրառմամբ հակամարտությունները շարունակում են համաշխարհային սովի հիմնական պատճառը մնալ: Այս մասին ՄԱԿ-ի Անվտանգության խորհրդի նիստում հայտարարել է ՄԱԿ-ի Պարենի եւ գյուղատնտեսության կազմակերպության (FAO) գլխավոր տնօրեն Ցյույ Դունյույը, փոխանցում է DW-ն։

Նրա խոսքով, 2018-2021 թվականներին ամբողջ աշխարհում պարենի սուր անբավարարության բախվող մարդկանց թիվն աճել է 88 տոկոսով՝ հասնելով ավելի քան 139 միլիոնի։ Ուկրաինայում պատերազմ այն վտանգն է պարունակում, որ աշխարհում այն մարդկանց թիվը, որոնց սպառնում են պարենի ապահովման խափանումներն ու սովը, կշարունակի աճել, ընդգծել է FAO-ի ղեկավարը։ Ըստ «Պարենային ճգնաժամերի համաշխարհային զեկույցի»՝ անցյալ տարի այդ ցուցանիշը հասել է գրեթե 193 միլիոնի, ինչը 40 միլիոնով ավելի է նախորդ տարվա համեմատ:

2022 թվականին սովից տառապողների թիվը կշարունակի աճել, զգուշացրել է Դունյույը։ Սպառնալիքի տակ գտնվող երկրների թվում նա նշել է Աֆղանստանը, Սոմալին, Հարավային Սուդանը եւ Եմենը։ FAO-ի վերջին գնահատականի համաձայն՝ 2023 թվականին ուկրաինական պատերազմի պատճառով քրոնիկ թերսնմամբ տառապողների թիվը կարող է աճել եւս 18,8 միլիոնով։

Ելույթ ունենալով համաշխարհային խաղաղության եւ պարենային անվտանգության մասին քննարկումների ժամանակ՝ Դունյույը կոչ է արել համաշխարհային հանրությանը ավելի շատ միջոցներ հատկացնել կայուն ագրարային տնտեսություն կառուցելու համար։ Անհրաժեշտ է շտապ ընդլայնել գյուղատնտեսությանն աջակցությունը՝ սննդամթերքի առկայություն ու հասանելիություն ապահովելու համար, այդ թվում՝ ճգնաժամային իրավիճակներում։

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ