Բրիտանացին հարբել եւ երկհարկանի ավտոբուս է առեւանգել, գրում է LADBible-ը։ Տղամարդը պատմել է, որ ուզում էր արագ տուն հասնել:
52-ամյա Սթիվեն ՄաքՔարթանը ընկերոջ հետ խմել էև բարում, ինչից հետո ընկերները ցրվել էին։ Բրիտանացու խոսքով՝ բարից վերադառնալիս նա երկհարկանի ավտոբուս էր տեսել, բարձրացել էր եւ քնել։ Մեկ ժամ անց արթնանալով՝ տղամարդը որոշել էր, որ պետք է շտապ տուն գնա։ Սթիվենը նստել էր ավտոբուսի ղեկին եւ հետ շարժվել՝ բախվելով մոտակայքում կայանված ավտոմեքենային: Բրիտանացուն, այնուամենայնիվ, հեռու գնալ չէր հաջողվել. ոստիկանությունը ձերբակալել էր նրան։ ՄաքԱարթանի արարքից պատճառված վնասն ավելի քան 7000 դոլար է կազմել:
«Վնասվել է ավտոբուսը եւ մեկ ավտոմեքենա»,- հայտնել են ոստիկանությունից։
Դատարանում իր ելույթի ժամանակ Սթիվենն ասել է, որ գրեթե ոչինչ չի հիշում, բայց զղջում է կատարվածի համար։ Հաշվի առնելով, որ տղամարդն ընդունել է իր մեղքը, դատարանը նրան է վեց ամսվա պայմանական ազատազրկման է դատապարտել։ Բացի այդ, ՄաքՔարթենը պետք է վճարի իր պատճառած վնասի համար։