Հունաստանը ՄԱԿ-ի գլխավոր քարտուղարին հայտնել է, որ Թուրքիան մարտահրավեր է նետել իր ինքնիշխանությանը եւ վարում է թշնամական եւ ռեւիզիոնիստական քաղաքականություն, որն ապակայունացնում է տարածաշրջանը:
Associated Press-ը հրապարակել է ՄԱԿ-ի գլխավոր քարտուղար Անտոնիու Գուտերիշին ուղղված 4 էջանոց նամակը, որը ստորագրել է ՄԱԿ-ում Հունաստանի մշտական ներկայացուցիչ Մարիա Թեոֆիլին։
«Հունաստանը կոչ է անում Թուրքիային դադարեցնել կասկածի տակ դնել Հունաստանի ինքնիշխանությունն Էգեյան ծովում գտնվող իր կղզիների նկատմամբ եւ զերծ մնալ Հունաստանին պատերազմով սպառնալուց»,-ասվում է նամակում։
