«Ալ Ջազիրա» հեռուստատեսությանը տված հարցազրույցում Նիկոլ Փաշինյանը խոսելով արցախյան խնդրի մասին, այդպես էլ չի ասել, որ Լեռնային Ղարաբաղի հակամարտությունը լուծված չէ. Նիկոլի համար «Լեռնային Ղարաբաղի հակամարտություն» բառակապակցություն այլեւս գոյություն չունի: Այս մասին Facebook-ի ր էջի ուղիղ եթերում հյտարարել է ՀՀԿ փոխնախագահ Արմեն Աշոտյանը:
«Նա երեք անգմ խոսում է Արցախի մասին եւ երեք անգամ էլ ասում է «ԼՂ խնդիր», չի ասում «ԼՂ հակամարտություն»: Մենք գիտենք, որ քաղաքական միջազգային օրակարգում մեկ մարդ է մինչեւ այսօր խնդել, որ դա այլեւս հակամարտություն չէ: Դա Ալիեւն է: Նիկոլ Փաշինյանն այս հարցազրույցով երկրորդում է Ալիեւին, ենթարկվում է Ալիեւին: Սա նշանակում է, որ Նիկոլը միջազգային մամուլում ափաշքյարա թելում է Ալիեւի թելը: Մինեչւ այսօր միայն Ալիեւն է ասել, որ Լեռնային Ղարաբաղի հարը լուծված է, նման հակամարտություն գոյություն չունի: Նիկոլն առաջին անգամ միջազգային մամուլում սատարում է Ալիեւին, շարունակում է Ալիեւի գիծը, որ նման հակամարտություն գոյություն չունի»,-ասաց Արմեն Աշոտյանը:
Նա հիշեցրեց, որ Ադրբեջանի ԱԽ քարտուղարը հայտարարել է, որ Ալիեւն է միջազգային հանրությանը խնդրել, որ որեւէ մեկը չօգտագործի «Լեռնային Ղարաբաղի հակամարտություն» արտահայտությունը. «Փաստորեն Նիկոլը կատարել է Ալիեւի խնդրանքը: Թուրքի կոշիկ լիզող, թրքահպատակ ՀՀ վարչապետը իրականացնում է Ալիեւի քաղաքականությունը:
Հունիսի 8-ին Եվրախորհրդարանն ընդունել է «Արեւելյան գործընկերությանը» վերաբերող մեծ զեկույց, որի մեջ կան հատվածներ, որոնք վերաբերում են Լեռնային Ղարաբաղին եւ այնտեղ օգտագործել է «Լեռնային Ղարաբաղի հակամարտություն» արտահայտությունը:
