Նագասակիում Mitsubishi Heavy Industries նավաշինարանում տեղի է ունեցել նոր սերնդի 30FFM նախագծի Yahagi հետախուզանավի գործարկման արարողությունը, որը Ճապոնիայի ծովային ինքնապաշտպանական ուժերի համար կառուցված շարքի հինգերորդ նավն է, հայտնում է Dambiev Telegram-ալիքը։
Նշվում է, որ հետախուզանավն անվանվել է Երկրորդ համաշխարհային պատերազմի ժամանակ համանուն թեթեւ հածանավի պատվին։ 30FFM հետախուզանավերը կփոխարինեն Asahi դասի կործանիչներին (նախատեսված է 8 միավորի կառուցում) եւ կկարողանան ականային գործողություններ իրականացնել։
Հետախուզանավի ջրատարողությունը մոտ 3900 տոննա է, երկարությունը՝ 130 մ, լայնությունը՝ 16 մ, էլեկտրակայանը համակցված գազատուրբինային/դիզելային է։ Նավը զինված է 127 մմ տրամաչափի Mk45 հրետանային կայանքով եւ հագեցած է SeaRAM ինքնապաշտպանական համակարգով։ Այն ունի ուղղաթիռի համար նախատեսված անգար, տորպեդային խողովակներ եւ արձակող սարքեր՝ անդրադարձման համար. սա ռադիոէլեկտրոնային ճնշման միջոցներից մեկն է, մի տեսակ կեղծ թիրախ՝ ռադարների ուղղորդման համակարգերին հակազդելու համար:
